Чаллының Ашыгыч медицина ярдәме хастаханәсендә Уникаль очрак булган
Чаллының Ашыгыч медицина ярдәме хастаханәсендә Уникаль очрак булган.
Фатыйма Мөдәрис кызы Катунованың, авыру тарихы 2019 елның сентябрендә «миокард инфаркты»диагнозы белән ашыгыч госпитализациядән башлана. Аортокоронар шунтлау операциясе дәвалауның оптималь ысулы итеп сайлана.
Операция уңышлы уза. Операциядән соң 2 көннән соң пациентка контроль УЗИ-йөрәк һәм башка диагностик тикшерүләр билгеләнә. Тик УЗИ узган вакытта функциональ диагностика табибы Гөлнур Заһидуллина монитор экранында йөрәктән тыш, зур һәм бер яктан икенче якка тайпылышлар ясаучы сәер әйбер күреп ала. Мондый очракларда консилиум кабул ителә, шунда ук бүлекнең барлык табиблары чакырыла, алар барысы да бердәм фикердә: бу тромб.
Аның зур кан әйләнеше системасы буенча юлын алга таба да дәвам итә алуы, башка мөһим органнарга барып җитүе һәм шул рәвешле санаулы минутлар эчендә үлемгә китерергә мөмкинлеге зур.
Кичекмәстән операция эшләнергә карар кабул ителде.
Операция 3 сәгатькә якын дәвам итте. Һәм, ниһаять, алар тромбны уңышлы гына тапкач, бөтен хирургия бригадасы аның гаять зур булуына һәм аның йөрәгендә шулкадәр вакыт тотылуына гаҗәпләнде.
Шушы көннәрдә генә пациентканы өенә озаттылар. Олы яшьтә булуына карамастан, операцияне уңышлы кичерүе, чыннанда, уникаль очрак булды.
«Мин башта ук операциягә килешеп, барысы да яхшы булуына ышандым. Мин табибларга һәм үземнең профессионаллар кулында булуыма тулысынча ышанам. Хәтта йөрәгемдә зур тромб табулары, тормышыма бик зур куркыныч янавы турында әйткәч тә, мин тыныч була бирдем.