Луиза Галиәскәр кызы Карташова - Иң яхшы шәфкать туташы
Бүген без иртәдән төнгә кадәр хезмәт итүче һәм инде 40 ел БСМПның иң ашыгыч бүлекләренең берсе – кабул итү-диагностика бүлегенең шәфкать туташлары белән җитәкчелек итүче Луиза Галиәскәр кызы Карташова турында сөйләргә телибез.
Луиза Галисакар кызы 9 мартта Пермь өлкәсенең Кизел шәһәрендә туа. 1977 елда мәктәпне тәмамлаганнан соң һөнәр сайлау буенча авыр сорау туа. Ике вариант була: йә педагогия, йә медуцина көллияте. Луиза Галиәскәр кызы соңгы вариантны сайлый һәм ул вакытта иң көчле һәм дәрәҗәле уку йортларының берсе булган Буа медицина училищесына укырга керә.
Соңрак, 1980 елда ул укуын уңышлы гына тәмамлый. Ул чакта отличникларны йә Казан, йә Яр Чаллы шәһәрләренә бүлделәр бит. Луиза Галиәскәр кызының әнисе Яр Чаллыда үскәнгә күрәдер, бәлки, ул шунда барып, БСМПга эшкә урнаша.
1984 елда Луиза Карташованы бүлекнең өлкән шәфкать туташы итеп билгелиләр, бу исә шәфкать туташларын бөтен нәрсәгә өйрәтә һәм аларга коллективка кирәк булган нәрсәләрне-бердәмлеккә өнди.
"Бүлекнең өлкән шәфкать туташы булу тәкъдимен башта мин сакчыллык белән кабул иттем: миңа эшем бик ошады, мин үземне «судагы балык» дип хис иттем, моның да җитәрлек булуын төгәл белдем. Ә өлкән шәфкать туташы булу минем өчен уңайлылык зонасыннан чыгу, җитәкчелек итү генә түгел, зур коллектив белән грамоталы идарә итү һәм үз өстенә тулы җаваплылык алу дигән сүз. Әмма бераз гына да уйлап та тормыйча, мин моңа икенче яктан, яңага өйрәнү һәм алга бару мөмкинлеге буларак карарга булдым.»,- ди Луиза Галиәскәр кызы.
Кеше үз эше өчен генә түгел, ә бөтен бүлекнең шәфкать туташлары эше өчен дә җавап биргәндә бөтенләй башка тормыш башлана.
Луиза Галиәскәр кызы-ул бер урында гына тормый, барлык яңалыклар да зур кызыксыну уята һәм аның барлык казанышларының нигезе булып тора.
Луиза ханымның күп санлы дипломнар һәм сертификатлар, һөнәри фәнни эшләре бар, ә 2018 елда «иң яхшы медицина шәфкать туташы-2018 " конкурсы лауреаты дипломы тапшырылды. Шул ук вакытта ул чәчәкләр үстерү белән дә шөгыльләнә, һәрвакыт гаиләсе белән табигатькә чыга, профессиональ әдәбият укый һәм спорт белән актив шөгыльләнә.
Луиза Галиәскәр кызы-үз гомерендә гаиләне, яраткан эшен һәм зур коллективны, күп дуслар һәм яраткан мавыгуларын урнаштыра алган гүзәл затлар арасында бер мисал.
"Кабул итү-диагностика бүлеге-бу минем өчен шул ук йорт. Минем хезмәткәрләрем-ул минем икенче гаиләм, аларның һәрберсе гаять кадерле, һәркем безнең уртак бурычны үтәүгә зур өлеш кертә һәм бары тик аларның актив катнашуы һәм җәлеп ителүләре ярдәмендә генә бик яхшы нәтиҗәләргә ирешә",-ди ул үзе.